منتدى الفرح المسيحى - الامل الوحيد فى ربنا

الامل الوحيد فى ربنا
هو وحده اللى عارف ان الانسان ضعيف بيغلط كتير وده مش غلط
مش غلط ان الانسان يغلط بس الغلط انه يتمادى فى غلطه ومايوقفش ومايعملش لنفسه stop
لازم يقول لنفسه كفاية كدا انت ضعيف اه بس لازم ترمى ضعفك ده قدام ربنا وهتبقي قوى قوى مدام ربنا معاك
الشيطان قال لربنا سبلى الاقوياء انا كفيل بهم لكن الضعفاء لا اقدر عليهم لانهم اذ يشعرو بضعفهم يحاربونى بقوتك انت
ارمى ضعفك قدام ربنا وكن ضعيف قدام ربنا
هيسامحك وهيقبلك ودايما وانت بتصلي قوله يارب انا ضعيف علشان انا انسان ومفيش انسان قوى الا بيك انت بس يارب
يارب ثبتنا فيك وبيك واليك احمينا من ضربات العدو
اشفينا من محبة الخطية واقمنا من ظلمة الخطية الساكنة فينا وابعد عننا الخطية المحبوبة
كل يوم حط قدامك خطيتك المحبوبة وصلى من اجلها صلى من اجل ضعفك ومحبتك ليها
فرحتك بيها قد ايه دقيقة \ساعة\يوم
لكن فرحتك الابدية مع ربنا
اقمنا ياااااارب من ظلمة هذه الخطية الساكنة فينا واجعلنا ان نعمل من اجل اسمك القدوس لنحيا حياة طاهرة وسالمة من الشرور لمجد اسمك القدوس