منتدى الفرح المسيحى - خليني ارجع زي طفل عايش في الملكوت

https://c.top4top.net/p_8702wk6s1.jpg

وساكت ليه علي واحد كل شهوته يعيش في طهاره؟
ومطول ليه علي واحد كل امله يعيش في سلام،؟
ومش مستجييب ليه علي كل واحد نفسه يعيش وياك
مانت عارف ظروفنا وكاشف همومنا وداري اننا ضعاف
وانت قايل عيشوا ويايا ومهما حصل اوعي تخاف
واحنا دلوقتي بنطلب تدينا اللي انت طلبته منا
ماحنا مش قادرين نعمل حاجه وبنصرخلك اعنا
مهما كنا مش قادرين نجيلك تعالي انت
ولو الشهوه سجنانا فكنا انت
والحروب ماليا حياتنا هديها انت
اعتبرني عشار ولا زانيه سترتها
ولا مجدليه الشياطين اقوي منها
ولا سامريه عند بير وجتلها
مش قادرين نقوم من فراش ضعفنا
والخطيه جدر فينا وضهرنا انحنا
والضعف مالينا سنه ورا سنه
بس لسه ياربي انا مصدقك..
اني في وقت تقولي انا هالحقك
وتقولي مش هاموتك واجرحك
طب يرضيك يا أبويا الشيطان يفضل زللني
انا عارف اني السبب لكن الحقني
محتاج قوه تفرحني
انا عارف انك سامعني
وليا وقت فيه هاتطهرني
بس اديني صبر وفي جهادي اعني
لسه فاكر يوم مانت نادتني
وخلتلي ليا قيمه وفادتني
عايش انا علي ذكري وانت بيها ساندني
لكن ياربي ارجوك تعالي وجدد الوعود
تعالي المسني تاني باحلي صوت
خليني ارجع زي طفل عايش في الملكوت