منتدى الفرح المسيحى - غير عدوك ..وغير سلاحك

https://d.top4top.net/p_870r47tf1.jpg

كتير مننا مش بيحب يطلع غلطان وعنده ناس بتضايقه كتير وبنستخدم معاهم أسلحة عشان نغلبهم ..
اللى بيستخدم علمه ...
واللى بيستخدم نفوذه وسلطانه ...
واللى بيستخدم اسمه ...
واللى بيستخدم كلامه وكلماته ...
واللى بيستخدم فلوسه ..
واللى بيستخدم مكانه ومكانته ...
واللى بيستخدم لسانه ...
واللى بيستخدم حتى كتابه وكتاباته ...
عشان نهجم على بعض ...ونحارب بعض ...ونغلب ونكسب..
لكن الحقيقة ...
أن العدو الحقيقى جوانا ...
عدونا هى طبيعتنا الفاسدة وانساننا العتيق ...هى أذهاننا الفاسدة وقلوبنا المعوجة ونفوسنا المريضة ...
عدونا هو ابليس وبيستخدم طبيعتنا الفاسدة والعالم عشان يقضى علينا ...
عدونا الحقيقى مش بشر (لحم ودم )
محاربتنا مع ولاة وسلاطين ورؤساء واجناد ..
الموضوع مش هزار ومش سهل ...
وفيه أسلحة مختلفة خالص عن اللى متعودين نستخدمها ...
تغيير افكارنا ومعتقداتنا القديمة والتفكير بالحق ...ده سلاح
معرفة هويتنا وميراثنا ومكانتنا الجديدة ...ده سلاح
تصديقنا للكتاب واننا نتنقع فيه ليل ونهار ...ده سلاح
نتفيذنا الوصية والسلوك فيها بقوة ...ده سلاح
كلامنا طول الوقت مع ربنا بصفة مستمرة ...ده سلاح
بيجى حد الغلبة بعد خميس الصعود ...
عشان لما بتعرف مكاننا ومكانتنا الجديدة ...بنعرف مكانة اخويا هو كمان جنبى ... وساعتها بنعرف مين هو العدو الحقيقى وبنستخدم السلاح الصح ...
و ساعتها بنعرف أن الحرب محسومة نتيجتها لصالحنا وبنهتف ونقول الذى فينا اعطم من الذى فى العالم ...
العدو اللى بتحاربه مش هو ..والسلاح اللى ماسكة مش صح
غير عدوك وغير سلاحك ...