منتدى الفرح المسيحى - خليك منى قريب

https://c.top4top.net/p_870bmooq1.jpg

مش بتقول انك قريب من منسحقى ومنكسرى القلوب طب انت فين

- طب يعنى ايه منسحقى القلوب ؟
اللى اعرفه من معناها هو اللى يكون قلبه قدامك ذليل موجوع مليان قهر ودموع قلبه اكتفى ومعدش يساع طب هو فى معانى تانى غيرها وغير انى اكون متكحل بمرارها ليه حاسه فى كلامى بالعجز والرفض

حاسه كانى فى كوكب مهجور ومسحور بالوان الغيمه حياتى مليانه شجون

عارفه انك سامع منصت فاهم وحاسس انينى

وعارفه انك بتدبرلى حاجتى وعوزى بس زى مانا عارف صبرك وانتظارك لوقتك

عاوز احس قلبك ضاممنى عاوز اشوف ايدك بتنجدنى عاوزه اشوف عينك بتلحقنى عوزاك تخلينى استنى معاك من غير سؤال ولا عتاب واستعجال مش عاوزه اسيبك فى مركبى نايم نعسان عوزاك صاحى جنبى تسكت اهوالى ان كان قلبى عليك بيقسى انت برحمه بتسامحنى وان كان عنادى بيهربنى منك انت بمحبه بتدور وتفتش وتلاقىنى .
جوايا لسه بركان كلام لهيبه بيكوى القلب اللى انت قريب ليه عاوز يقولك اهو قدام ذليل يمكن يكون اتعلم ينسحق وعاوزك ليه دليل من فضلك يابابا خليك من قريب