منتدى الفرح المسيحى - مينا بيعلق الزينة وبيصوم الشهر كله وبيعمل خير كمان

مينا بيعلق الزينة وبيصوم الشهر كله وبيعمل خير كمان

https://img.youm7.com/large/2018051903030131.jpg

تعليق الزينة فى الشوارع والفوانيس فى شرفات المنازل من أهم المعالم الجميلة التى تعلن عن استعداد المسلمين لاستقبال الشهر الكريم، ولكن الأجمل أن نجد الشباب الأقباط هم أصحاب فكرة تعليق الزينة قبل المسلمين، ومن أوائل الأشخاص الذين يسعون إلى شراؤها أو تصنيعها بأيديهم قبل الآخرين، وهذا ما فعله مينا فى شارعهم.
مينا عماد، شاب فى العشرينات من عمره، يسعى سنوياً إلى الذهاب للأسواق لشراء زينة رمضان قبل أى شخص فى شارعهم، أو يمكن تقضية وقت للاستمتاع بقص الزينة وعملها من صنع أيديهم.
https://img.youm7.com/ArticleImgs/20...زينة-رمضان.jpg
مينا يجهز زينة رمضان
"رمضان بالنسبة لى حاجة كبيرة أوى، بحب أصوم جداً مع أصحابى وجيرانى"، هكذا عبر مينا عن مشاعره تجاه الشهر الكريم موضحًا: "بحب أعلق معاهم الزينة وأشترى ليهم الفوانيس، وأعلقهلهم فى البلكونات بتاعتهم، بنزل أنا وأخويا الصغير وأصحابه وأصحابى نرتب كل حاجة وبفرح أوى لما بشوف الجيران بتتفرج علينا وهما فرحانين".
يحرص مينا على تناول السحور مع أصدقائه، ثم صوم اليوم كله حتى حلول ميعاد الإفطار، فيذهبون لتناول الطعام فى أماكن مختلفة، إما عند أحد أصدقائهم أو بالمطاعم فى الخارج، ويستمتع كثيراً بتقضية أجمل شهر فى السنة من وجهة نظره.
"فى العيد، دايماً بنتشارك أن يكون فيه طبق بيلف علينا كلنا، سواء فى عيدنا أو عيدهم، يعنى فى عيدنا بيعملولنا طعمية وفول وحاجات زى دى، وفى عيدهم بنتشارك بالكحك والبسكويت".
مينا أيضاً يتشارك فى توزيع الحقائب الرمضانية على المحتاجين ويوم بعمل الخير للمحتاجين من المسلمين خلال هذا الشهر.