|
زوادة اليوم : فن تسلّق الجبال
زوادة اليوم: فن تسلّق الجبال بيخبرو عن شب سافر مع أهلو ع سويسرا ت يتمتّعو بجمال جبال الألب، وشو كانت دهشتو كبيرة لـمّا شاف رياضيّين عم يتسلّقو هالجبال العالية، سأل بَيّو إذا بيخلّيه يعمل متلُن، جاوب البَي: «نحنا جايين لهون حتّى نتفرّج مش أكتر من هيك». بسّ الشبّ ما اقتنع بجواب بَيّو، وراح سأل واحد من المتسلقين، كيف بيقدر يمارس رياضة التسلّق، وكان الجواب: «إنت عندك ايدتين وإجرتين، لازم على طول يكون في تلاث أطراف ثابتة وبالعضو الرابع عم بتجرّب كيف بدّك تتسلّق، والأهم تكون مع رفقاتك مربوطين كلكن بحبل واحد، حتّى إذا وقعت يمسكوك، وإذا وقع رفيقك يلّي حدّك، تمسكو إنت». الزوّادة بتقلّي وبتقلّك: «بالحياة الروحية نحنا متسلقين جبال، لازم نكون ثابتين ولازم نثبّت كل المقرّبين لإلنا». |
رد: زوادة اليوم : فن تسلّق الجبال
بالحياة الروحية نحنا متسلقين جبال، لازم نكون ثابتين ولازم نثبّت كل المقرّبين لإلنا
ميرسي على زوادة اليوم |
رد: زوادة اليوم : فن تسلّق الجبال
«بالحياة الروحية نحنا متسلقين جبال، لازم نكون ثابتين ولازم نثبّت كل المقرّبين لإلنا».
آمين يا رب |
| الساعة الآن 06:17 AM |
Powered by vBulletin® Copyright ©2000 - 2025