|
يا يسوع متسبنيش .. بقلم / مايكل سامي
يايسوع متسبنيش اصل لمين غيرك هعيش ؟؟ ممكن تقولي اروح لمين غيرك ؟؟ ده انا في الدنيا دي عايش علي خيرك بكيت كتير في كنيستك وفـ ديرك طالب معونه طالب رجاء مش هلاقيه من حد غيرك انا دلوقتي مهموم ومتضايق وحزين مش عارف افكر في حاجه وحاسس بكبت رهيب وأنين يمكن الناس اللي حواليا محدش فيهم حاسس بيا لأن كل واحد عنده اللي يكفيه سنين وسنين لكن انا اعمل ايه ؟؟؟ انا سبت كل الناس وجتلك انت ؟؟ كتير قالي مالك اشكيلي فضفضلي قولتلهم مفيش ده انا حياتي جميله بقول عليها جميله وانا من جوايه شايل المرار والنيله بقولها والدموع نازله بأندفاع جوايا زي ماية خرطوم في جنينه في الشات علي النت اكرر حرف ال ( هـ ) علي اني سعيد ومبسوط وللأسف بيفكروني من كتر الضحكة اني اسعد انسان في الوجود ميعرفوش ان من كتر البكا الدمع حفر في الخدود رغم كل ده قولت للناس مفيش علي الرغم ان الدنيا في وشي اسود من الورنيش ايوه بقولهم مفيش وهفضل اقول مفيش ماهو كلامهم ميهمنيش عشان انا يارب سلمتلك حياتي ومبقتش فارقه معايا اموت او اعيش ارجوك يارب اسمع صراخي ومتسبنيش ده انا ابنك ومهما نسيتك انت مبتنسنيش |
رد: يا يسوع متسبنيش .. بقلم / مايكل سامي
شكرا على المشاركة المثمرة
ربنا يفرح قلبك |
رد: يا يسوع متسبنيش .. بقلم / مايكل سامي
شكراً أختى مارى على مرورك الجميل
|
| الساعة الآن 07:36 PM |
Powered by vBulletin® Copyright ©2000 - 2025