منتدى الفرح المسيحى

إخوتي الأحبة الزوادة اليوم هي تذكير وتنبيه عن سبب وجودنا.

"آخر الإيام"

مين بيعرف موعد آخر الإيام؟
مين بيعرف آخر يوم من حياتو؟
مين بيعرف شو ناطروا بكرا؟

إخوتي،
كل يوم من حياتنا هوي آخر الإيام.
كل يوم من حياتنا هوي آخر يوم.
وكل يوم هوي بكرا لأنو ما منعرف إذا في بكرا.

إخوتي،
كل هالزعل
والأخلاق السودا
والقلوب الملياني حقد
والقتل
والسرقة
وقلّة الحشمة
والكلام البذيء
والإنشقاق بالعِيَل
والحروب
والعذاب
والكوارث الطبيعية
والكوارث الأخلاقية
والبعد عن ألله
والإلحاد
وغَيْرُن كتار ما بينعدُّوا، بأكّدُولناَ أنو يمكن ما يكون في بكرا.

إخوتي،
نهاية حياتنا ونهاية العالم كتير قريبين خَلُّونا نستفيد من اليوم حتى نعيش التوبة ونرجع لألله ونكفر بنفوسنا وبالخطية ونتمسَّك بكلام ألله بالإنجيل ونصلِّي بخشوع كأنُّو اليوم آخر يوم وما في بكرا لأنو الآخرة قريبي كتير ودربنا بهالدني قصير كتير.

إخوتي،
نحن عالأرض برسالة ومسيرة صلا حتى نوصل للقداسة والطهارة يللي هنِّي درب السما.

منصلِّي كلّنا ماسكين أيدين بعض وبصوت واحد نمجِّد ألله وطالبين الغفران عن أخطاء مبارح حتى يكون في بكرا.
الشاطر بخلِّص نفسو، وألله معكن