منتدى الفرح المسيحى

https://upload.chjoy.com/uploads/1524433375271.jpg

الكنيسه اعمدتها النفوس الثابته فى الايمان
وسقفها بخور صلوات التعبانين
وجدرانها اذرع الكهنه والخدام
احنا الشعب
مش عاوزين ارضيه فى الكنيسه سيراميك
ولا عاوزين اسقف وجدران متبطنه ومترنكشه
ولا عاوزين تكيف كفايه مراوح علينا وكتير
احنا الشعب
مش عاوزين مسابقات فى اجمل بناء ولا افخم حيطان
وايه فايده حيطان مرشوشه بالدم مرة وبالدموع المره مرة تانيه .
احنا الشعب
عاوزين ولادنا وبناتنا واخواتنا
عاوزين النفوس الضاله ترجع لينا ومعانا
عاوزين افتقاد ورعايه مش مشاريع ودعايه
مش عاوزين مواعظ كتير وحب قليل
مش عاوزين انشطه وخدمات وننسي ناس تانيه وناس ونقول مش فاضين
مش عاوزين رحلات وهميه مافهاش روحانيات
عاوزين حد يخبط على باب بيتنا ونقول مين بيخبط؟! يرد علينا ويقول انا مرسل من الله ليك .
احنا الشعب
اللى الفقير الغلبان بياخد الفلسين من جيوبه وبيشكر الله ويديهم لغيره . مش عاوزين غير الستر وحد يقولنا انتوا فين من زمان!! اقصد احنا نقولهم انتوا فين كنتوا من زمان ما كان اللى حصل كان .