|
مش قادر ....
عارف إحساس إنك "مش قادر" لأي حاجة؟ اهو احساس "مش قادر" دا للأسف محدش بيقبله وبيبقوا شايفين انه "دلع" او "اكتئاب"! "مش قادر" مش زعل ولا خنقة.. مش قادر طاقة خلصت من جواك مخلياك فعلا مش عارف تعمل اي حاجة لا لغيرك ولا حتي لنفسك.. ولما حد يعرض عليك تخرج عشان تغير جو وتفك فا بسرعة شديدة ترفض لانك انت الوحيد اللي فاهم انك مش قادر فا مستحيل تحاول ترتاح بإنك تتعب نفسك اكتر.. ولما حد يتفق معاك علي خروجة وانت تتحرج وتضطر توافق بتبقي في قمة سعادتك لما تتلغي.. عارف لما تحس انك مش قادر تعمل اي حاجة غير انك تستسلم للحالة اللي انت فيها.. وتحس كدا انك بتحارب نفسك عشان تعمل اقل تفاصيل يومك.. مش زعلان ولا متضايق ولا نفسك في حاجة معينة تحصل.. بس كل الحكاية انك "مش قادر" مش قادر تنزل.. مش قادر تضحك.. مش قادر تشوف حد.. مش قادر تنافق.. مش قادر تقنع حد انك مش مضايق.. مش قادر تشرح إحساسك.. مش قادر تسمع حد.. مش قادر تدافع عن نفسك لما حد يزعل منك عشان قلة سؤالك.. مش قادر تمسك في حد بيبعد.. مش قادر ترد حتي علي تليفونك.. "مش قادر" محدش بيقدر لما بيسمعها ولا حد بيستوعب اننا فعلا بنبقي مش عارفين نعمل اي حاجة.. كل اللي بيبقوا شايفينه هو اننا بندلع! الرحمة على الناس اللي مش قادرة تعمل اي حاجة ولا عايزة تعمل أي حاجة غير انها تقعد ساكته وبس.. |
رد: مش قادر ....
الرحمة على الناس اللي مش قادرة تعمل اي حاجة ولا عايزة تعمل أي حاجة غير انها تقعد ساكته وبس
عندك حق يا رينا كل اللى مش بنقدر عليه الناس فاكرها دلع |
رد: مش قادر ....
الرحمة على الناس اللي مش قادرة تعمل اي حاجة ولا عايزة تعمل أي حاجة غير انها تقعد ساكته وبس.. ربنا يبارك حياتك |
رد: مش قادر ....
ميرسى لمروركم الغالى
:):):) |
رد: مش قادر ....
جاية في وقتها
|
رد: مش قادر ....
جميل جدا بجد
|
رد: مش قادر ....
ميرسى لمروركم الغالى
:):):) |
رد: مش قادر ....
جاية فى توقيتها بالظبط
ميرسي يا رينا |
رد: مش قادر ....
ميرسى لمرورك الغالى
:):):) |
| الساعة الآن 03:55 PM |
Powered by vBulletin® Copyright ©2000 - 2025