منتدى الفرح المسيحى

البجعه

http://tbn0.google.com/images?q=tbn:.../IMG_1579P.jpg
البجعه بتتغذي علي انواع كثيره من الاغذيه من اهمها هي الافاعي
وعلشان كده فسم الافعي لا يؤثر في البجعه وان دم البجعه من اكثر المواد دواء لسم الافعي
كمان لقيت ان الافعي لو لدغت صغار البجعه ان البجعه بتتصرف بطريقه غريبه جدا وهي انها بتقف علي ولادها يعني فوقيهم
وبعدين تقعد بمنقارها تنهش في لحم جنبها لغايه ما تجرح نفسها علشان دمها ينزل في فم صغارها ويبقي مضاد ليهم من سم الافعي اللي لدغتهم
دلوقتي بقي اسالكم سؤال
القصه دي اللي هي قصه البجعه مش بتفكركم بقصه حصلت زمان وبتحصل كل يوم
مش بتفكركم بحيه زماااااااااااااااااااااااان جدا لدغت الانسان وبثت فيه سم الخطيه
وكان الحل الوحيد هو اننا نشرب دم ابونا البجعه الكبيره اللي يعتبر دمها هو الدواء الوحيد ضد السم اللي اخدناه واللي كان حتما لازم يموتنا
انا مش هقارن بين موقف المسيح وموقف البجعه لاني افضل ان كل واحد فينا يتامل فيها بنفسه
لكن لو قارنا مقارنه بسيطه موقف ربنا يسوع المسيح بموقف البجعه هنلاقي ان البجعه من محبتها في ولادها بتجرح نفسها علشان تديلهم دمها اللي هو الدواء الوحيد كذلك ربنا يسوع المسيح مش بقي من محبته الكبيره لا ده من محبته اللامحدوده بيعمل معانا كده
وعلشاننا قدم ذاته ذبيحه علي الصليب وكمان ادالنا جسده ودمه كل يوم علي المذبح علشان لما الافعي تلدغنا نجري بسرعه علي الدوا بتاعنا وعلشان يكون حمايه لينا ضد لدغات الحيه القديمه (الشيطان )
ربنا يحفظنا كلنا ويحافظ علينا