منتدى الفرح المسيحى - هو عصايتى وعكازى

https://upload.chjoy.com/uploads/1522267720451.jpg

روح الاعمي البيت لقي أبوه وامه. بيكلموه وهما راسهم في الارض وبيقلولوا
يا ابني حقك علينا احنا...
راح سكتهم وقالهم
الاعمي:ابي وامي قد تركاني اما الرب فقد ضمني
الاب والام: يا ابني كنا خايفين يطردونا من المجمع
الاعمي: ياريتكوا كنتوا اطردتوا كنت هاتشوفوا اللي انا شوفته
يسوع مش في المجمع. يسوع مش في مكان صلاتكوا.. خليكوا في المجمع علشان كده هاتفضلوا عميان.
يسوع بره الدايره اللي انتوا خايفين عليها. يسوع حضنه مش هنا. مش هاتشوفوه هنا.. لازم تخرجوا خارج المحله لانه هو كمان هايخرج
الاب والام:طب بتلم هدومك ورايح فين
الأعمى : رايح للمكان اللي الابرار اشتهوا ان يروه ولم يروه
من انهارده هامشي معاه وانا مغمض وهو عصايتي وعكازي