منتدى الفرح المسيحى - أية الكلب فى سفر طوبيا

https://upload.chjoy.com/uploads/1522171049391.jpg

السفر بيحكي ان طوبيا والملاك رافائيل سافروا مدة طويلة وكانت ام طوبيا تقوم كل يوم تطلع علي الطريق وتندب وتبكي علي ابنها وحيدها اللي اتأخر وتفتكره مات ..وبعدين يقول الكتاب ان طوبيا رجع ومعه الملاك( والكلب ) كلب ايه ؟
اتاري طوبيا كان عنده كلب ولما خرج من البيت الكلب خرج وراه لغاية الطريق بعيد ورفض يرجع الا لما طوبيا يرجع

بعدها ربنا يقول في الوحي الالهي
( حينئذ سبقهما الكلب وكأنه مبشراً فرحاً وكان يهز ذيله )
ايه ده ربنا مخصص اية كاملة لكلب ؟!!
حتي الكلب لما عمل خير ربنا مانسيهوش وخلي له دور مهم في السفر
كلب ايه اللي تذكره يارب وتهتم بيه وتوصفه بالمبشر يعني بتعامله كانه انسان له دور !!
ده حتي مفيش رسام فكر انه يرسم الكلب ده في الايقونة .. ازاى نرسم كلب في الايقونة ؟ ايه وزنه ؟
اهو ربنا ذكره في الكتاب المقدس نفسه ايقونة ملكوت الله
علشان كده ابونا بيقول في القداس عن ربنا ان مع انه ساكن في الاعالي لكنه ناظر للمتواضعات او الحقيرات او الصغيرات من كل الخلائق !