منتدى الفرح المسيحى - سلمتلك عينى زى الاعمى اخلقهم من جديد

https://upload.chjoy.com/uploads/1522004301531.jpg

حوار

قلت اصلى واطلب زى الاعمى واروح ليسوع واقوله افتحلى عينى
لما طلبت وقلت لربنا افتح عينى زى مافتحت عين الاعمى
قالى هتتحمل التراب والطين يتحط على عينك والناس كلها تشوفك؟!
هتتحمل الطين اللى انداس برجلين الناس وكل كائن غير بشرى ؟!
وقفت لحظه صدق مع نفسي . لانى فاهمه يعنى ايه كلامه
يعنى تجارب والام وجهاد فى الحياة الروحيه .
ورحت للاعمى وسألته هو انت كنت عارف انك علشان تفتح ان يسوع هيحط على عينك طين .
وقلتله ولو كان قالك انه هيعمل فيك كده كنت هتقبل ؟؟
(وانا بسأله علشان اعرف ارد على ربى يسوع لما سألنى ومعرفتش ارد عليه طبعا)
فرد عليه الاعمى وقالى حتى لو كان قالى هيعمل كده مش هيكون اكتر من العمى اللى انا عايش فيه من سنين ولا عارف نهار من ليل ولا شايف هيكل ولا بيت
فقلت فى نفسي يابختك بأيمانك انت متمسك بالنور وانا لسه عجبانى الضلمه
فرجعت ليسوع وقلته سلمتلك عينى بكل ايمان زى الاعمى اللى سلمك عينه بين ايديك
اخلقهم من جديد .بتراب .بطين .بأى طريقه أو وسيله
شق فى عينى طريق لعبور النور فيهم زى ماشقيت فى البحر طريق لعبور موسى وشعبك
وحررتهم من العبوديه للنور .
اعطنى اقول بصدق كنت اعمى والان ابصر