منتدى الفرح المسيحى - حبى روحك هتتحبى

https://upload.chjoy.com/uploads/1521357987291.jpg

يخرب بيتك يا بنتي انتي تخنتي كده ليه ؟! "
" انتي مبتاكليش ولا ايه اصلك رفيعه جدآ "
" متلبسيش فساتين تاني علشان بتبين الديفوهات اللي ف جسمك "
..
الكلام ده وأكتر ممكن تكوني بتسمعيه يوميآ ..
من ناس قريبه منك أو حتي ناس غريبه عنك ..
وممكن جدآ الكلام ده يأثر ف نفسيتك و يضايقك .. و أحيانآ بيكون سبب ف احراجك قدام الناس
بس انتي عارفه امتي الكلام ده مش هيضايقك ؟!
لما تكوني واثقه ف نفسك بجد .. ثقتك ف نفسك هتخليكي شايفه نفسك اجمل بنت ف الكوكب .. و الثقه دي هتظهر علي ملامحك وشكلك الخارجي .. مش بيقولوا ان البنت لما بتحب وشها بينور ؟! .. بس وشها بينور أكتر لما بترضي عن روحها وعن شكلها

متحاوليش تتخني ولا تخسي علشان تعجبي حد .. عيشي حياتك وانتي واثقه ف نفسك لأبعد حدود الثقه .. اقبلي ملامحك وشكلك وجسمك بكل ما فيكي .. وحبي روحك هتتحبي 💝