منتدى الفرح المسيحى - لسه فيه ناس طيبه

https://upload.chjoy.com/uploads/1520723666631.jpg

لسه فيه ناس بتحب ربنا وعاوزة تتوب
لسه الخيروالرحمه موجوده فى القلوب
لسه فيه بيوت ضحكتها عاليه بتخرج من الشبابيك
لسه فى اخوات بيحبوا وبيخافوا على بعض كمان
لسه فيه ناس بتجرى بتدور تعمل الخير والرحمه مع كل محتاج وغلبان
لسه فيه ناس بتضحى بسعادتها علشان تسعد كل حزين وتعبان
لسه فيه ناس زى الملايكه وديعه وهاديه ومبتسمه وزى النسمه فى كل صباح
ولسه فيه ناس قديسين بتصلى علشانك وانت يمكن متعرفهاش ولا هتتقابلوا فى يوم من الايام
لسه الحب حيَّ موجود .. لسه فى نفوس بتبتسم رغم الجروح
ولسه الاخلاص والامانه والشرف موجود فى بيوت وبيوت
لسه فيه عيون زى الاسفنجه مليانه دموع من مناظر مش تتحملها الجفون
ولسه الناس طيبين زى اللى بيقرأ ويتنهد تنهيده من جواه ويقول فين ده المكتوب
انت وانتى وهو وهى كلكم من الناس دول بس يمكن مش حاسين ولا شايفين
الحب اللى فى قلبكم والخير ازاى بيخرج وانتوا اعتدوا تعيشوا كده ملايكه وقديسين
مهما السحاب بكى علشان خطيتنا لكن بنرجع نرتوى من بكاه ونفهم قصد الاله
ونِحن ونرجع نتوب زى ابن ضال هلكان ونترمى فى حضن الاب ونقوله اخطأت سامحنى
لكن لسه قديسين بنجاهد وبنتوب طول ما احنا عايشين .