كلّ عيد وأنتو بخير

يا وجوه الرّضا والخير

كلّ عيد ونحنا عم نشقى

لحتّى براعم زرعنا نلقى

ومتل الفراشة اللي بتعشق النّور

بتوعا عينينا عليهون وبتغفى

يااا ريت تروح تخبرون يا طير

قديش اقلامنا من الهمّ عم تبرى

ومنضل نقول ... بعد بكير

لحتّى نرخي سلاحنا ونبقى

ع دراج ملياني ووراق وحبر وطباشير

ناطرة الكلمة تهزّ من منابرنا

بيكفينا يا رفاقي فخر وعزّ وتقدير

إنّو إبن البشر سيّد الكون الحارس الأمير

من قبل هوّي مهّد وسبقنا

وبشّر بكلمة حقّ ووزّع ع الدّني مناشير

وكان المعلّم الأوّل والأخير

بدنية نور .... ما فيها إلّا الخمير

خمير المعرفة والصّدق ومحبّة الغير

من هيك يا رفاقي بطريق النّحل

الغالي نحنا الزّاد والقفير

ألف ألف ألف ينعاد عليكون العيد

وتبقوا منارة لدرب نحنا اخترناه

نكون إلو الخارطة .... والنّواطير