منتدى الفرح المسيحى - ثقة انه بيحبك⁦

https://upload.chjoy.com/uploads/1520033565071.jpg

انت متخيل انك ممكن تكون في المترو وجنبك مراتك اللي هتعرفها في المستقبل وتتجوزها وميحصلش بينكم ولا كلمة او حتي نظرة ..
او تبقي في محل بتشتري حاجة ويخبط فيك جوز اختك بعد سنتين تلاته ومحدش فيكم عارف التاني
او يكون معاك في الدفعة واحد هيبقي اعز اعز صحابك في الشغل بعد خمس سنين
او تبقي ماشي وراك اكتر انسان هيغير حياتك ولسه مجاش الوقت اللي تعرفوا بعض فيه ؟
الموضوع مش محتاج منك انك تعمل خطط علشان تتعرف علي الشخص الفلاني.

علشان هو ده في نظرك الي هتكمل معاه!!
او انك بتعافر علي وظيفة معينة علشان في نظرك برضو انها هي الي هتغير حياتك؟
الموضوع ابسط من كدة ..الموضوع محتاج ثقة
ثقة ان ربنا وسط مليون واحد هيبعتلك الي شبهك..
ثقة انه هيبعتلك الوظيفة لحد عندك بس كل الي عليك تجتهد في دراستك ..
ثقة انه دايما بيعملك الي في مصلحتك..
ثقة انه بيحبك⁦❤️⁩