منتدى الفرح المسيحى - ثق وانطق كلمات السما على حياتك

https://upload.chjoy.com/uploads/1519811453621.jpg

كتير بنتوه جوة المشاكل والصعوبات اللي بنعدي فيها
كتير بنسيبها تكسرنا وتبدأ تشق طريقها جوانا
بالخوف .. الضعف .. السلبية .. الخسارة...الخ
ونسيب العالم يطلق كلماته علينا
حياتك هتفضل متلغلطة .. ارتباطك هيفضل فاشل
مش هتنجح في شغلك .. اسرتك هتفضل مفككة
علاقتك باللي حواليك هتفضل علاقات فاشلة
وانت هتفضل لوحدك برضو
دراستك هيغضل محكوم عليها بالفشل
انت مفيش منك فايدة .. انت ضعيف ......الخ
ونصدق كل الكذب ده ونتسجن جواه ونقبل أن تكون حياتنا
زي ما العالم حكم عليها تكون
وننسى أننا مختلفين ودعينا مميزين من الله (بابا)
ننسى الوعود الصادقة جدا بالبركة على حياتنا
ونعيش في وهم اللعنة من العالم
افتكر انت مين (انت ابن مش عبد)
وابوك مين (هو ملك قوي وحي وأقوى من اللي في العالم)
انت تقدر تقف قدام كل ده وتأمر العاصف يهدأ
كل ده ينغع يخلص بس انت قوم ومتصدقش الكذب
قرر تصدق البركة .. تصدق وعود الله (بابا)
اللي مصدقه بيحصلك .. فا ارجوك قرر تصدق البركة
قرر تصدق انك ناجح في كل شئ
قرر تصدق انك قوي ودعيت مميز
أقف في وش الكذب وامره يخرج من كيانك من حياتك
انطلق بالبركة وسيبها تنطلق فيك
متنساش اللي بتصدقه بيحصلك
(فا صدق أبوك بابا الاب اللي بيحبك ويحب يشوفك فرحان)