منتدى الفرح المسيحى - زوادة اليوم : وقفة ضمير

زوادة اليوم: وقفة ضمير

بيمرق بحياتنا ايام بيكون كل شي منيح. صحتنا منيحة، متفقين مع اللي حوالينا، عم نتعلم، عم نشتغل…بهيك نوع ايام قليل اللي بيلاقي وقت لربنا و قليل اللي بيصلي، مش لأنو ما عنا وقت لأ! لأنو كل شي منيح و مش عايزينو مننساه! هيك صايرة علاقتنا بربنا، مصلحة!! هوي مش طالب منا المستحيل بس عالقليلة اذا مرقنا من حد كنيسة او مزار نصلب ايدنا عا وجنا و نقلو بشكرك يا رب عالنعمة اللي معيشني فيا بوقت غيري عندو مشاكل كتير. نحنا تعودنا عا ربنا و صرنا نعتبرو تحصيل حاصل و انو مجبور فينا بوقت نحنا ما عم نقدملو شي! عالقليلة نعرف نشكر هوي ما بدو اكتر من هيك. اذا حدا عطاك شي بتقول merci ربنا عطاك الحياة! لو بتقضي عمرك تشكرو ما بتوفيه! عا كل حال زوادتنا اليوم وقفة ضمير قدام عطايا ربنا النا و تذكير بحضور الله بحياتنا لو مش حاسين فيه هوي حاضر دايما والله معكن