منتدى الفرح المسيحى - رفعنى من المزابل

https://upload.chjoy.com/uploads/1519598008011.jpg

بالظبط الشيلة دي والضحكة دي
هي اللي بيقابلنا بيها بعد كل بعد
بعد كل خطية .. بعد كل قسوة
بعد كل عناد .. بعد كل تقصير
بعد كل فتور وتهاون وتحجر
بعد كل رفض مننا ليه
بيقابلنا بحب بعد كل مرة كنت فيها مش ابن يشرف
وبيحضن وبيضحك وبيفرح بكل فخر بيا
لما تقع وتبعد والخطية تسيطر عليه
أجري بكل سلام على ابوك
هو حبه مختلف وغير مشروط
حبه مش واقف على حالتي ..
بيحب علشان هو الحب ..
والحب ما بيبطلش يحب ..
مبيقرفش مني ولا من الطين اللي وقعت نفسي فيه
بينضفني ويطهرني ويقدسني بحبه
حتى لو كنت ابن مخزي بيفتخر بيا
وبيفرح برحوعي وبينسى عنادي وبيغفر خطيتي
بيحط كل ده في بحر عميق .. بينسى كل ده
وعمره ما في يوم بيذكر حاجة منها
شكرا لأن حبك غير الكل .. شكرا لأنك مش بتقرف مني
شكرا لأنك بتقبلني دايما .. شكرا لأنك بتغفرلي دايما
شكرا لأنك متفهم ضعفي .. لأنك بتساعدني أقوى على ضعفي
شكرا لأنك بابا
#رفعني_من_المزابل
#البسني_ثياب_بهية_ملوكية 👸👑💫