منتدى الفرح المسيحى - النار مبتحرقش كنيسة

( النار مبتحرقش كنيسة )

https://www.christian-dogma.com/im0p...=260&q=50&.jpg
النار مبتحرقش كنيسة
مهما أن كانت حامية
بيوت ربنا مش رخيصة
عيونه عليها مش عامية
مهما أن كانت قوة النار
الكنيسة مبتبقاش رماد
أصلها لربنا بيت و دار
لا يمكن تبقي صماد
مهما أن النار قادت فيها
مستحيل أبدا تحرقها
ربنا بقوته هيطفيها
بحور سلامه هتغرقها
بيت ربنا دايما عنده غالي
مستحيل أبدا عليه يهون
بيدافع عنه دايما من الأعالي
هو الحامي اللي بيصون
ربنا ديما بيحمي بيوته
من كره العداه و الأشرار
قادر وحده من ملكوته
يطفيها من أيها نار
يا نار مهما تقيدي
قوة ربنا لا يعلي عليها
مهما في بيوته تزيدي
في رب كبير حاميها
يا نار مهما أن كان اللهيب
أنا مسلم هطفي الكنيسة
كلنا واحد هلال و صليب
بنكره أهالي الفتنة الخسيسة
لو قادت 1000 حريقة و حريقة
علي باب الكنيسة و عتبتها
هتلاقونا كمسلمين بمليون طريقة
بنطفيها دي جوه قلبنا محبتها
كلمات : محمد فتحي