منتدى الفرح المسيحى - البشر مش هم أعداؤك

https://upload.chjoy.com/uploads/1518887970551.jpg

يقول الوحي المقدس في أفسس 6: 12 – 13
"فَإِنَّ مُصَارَعَتَنَا لَيْسَتْ مَعَ دَمٍ وَلَحْمٍ، بَلْ مَعَ الرُّؤَسَاءِ، مَعَ السَّلاَطِينِ، مَعَ وُلاَةِ الْعَالَمِ عَلَى ظُلْمَةِ هذَا الدَّهْرِ، مَعَ أَجْنَادِ الشَّرِّ الرُّوحِيَّةِ فِي السَّمَاوِيَّاتِ. مِنْ أَجْلِ ذلِكَ احْمِلُوا سِلاَحَ الإله الْكَامِلَ لِكَيْ تَقْدِرُوا أَنْ تُقَاوِمُوا فِي الْيَوْمِ الشِّرِّيرِ، وَبَعْدَ أَنْ تُتَمِّمُوا كُلَّ شَيْءٍ أَنْ تَثْبُتُوا."

!
أنا بأحب قوي الطريقة اللي مكتوبة بها الآية اللي فوق "لأن مُصارعتنا ليس مع دم ولحم…" (أفسس 12:6). بناءً على الشاهد ده، العدو الوحيد للمسيحي هو الشيطان، وهو خلاص اتهزم! كمسيحي، البشر مش هم أعداوك.
يمكن فيه ناس أعلنوا إنهم أعداءك. ما تقلقش منهم. الكتاب بيقول، "عِنْدَ مَا اقْتَرَبَ إِلَيَّ الأَشْرَارُ لِيَأْكُلُوا لَحْمِي، مُضَايِقِيَّ وَأَعْدَائِي عَثَرُوا وَسَقَطُوا." (مزمور 2:27). مش بيقول، "صلِّ إنهم يسقطوا ويعثروا." لا! كونهم أعلنوا إنهم "أعداءك" وقرروا يكونوا ضدك هو اللي بيخليهم يسقطوا ويعثروا.
وفي محضرهم، الرب بيجهزلك مائدة (مزمور 5:23)، لأنه عايزهم يشوفوا مجدك فيغيروا طريقة تفكيرهم وييجوا لإشراقة نورك. لما تفهم وتقبل الحق دا، بدل ما تتمنى الشر للي قرروا يكونوا أعداءك، هتزعل عليهم وتصلي من أجلهم.

ادخل للعمق
متى 44:5 "وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ"
رومية 20:12 "فَإِنْ جَاعَ عَدُوُّكَ فَأَطْعِمْهُ. وَإِنْ عَطِشَ فَاسْقِهِ. لأَنَّكَ إِنْ فَعَلْتَ هذَا تَجْمَعْ جَمْرَ نَارٍ عَلَى رَأْسِهِ»."

صلِّ
بابا السماوي، أشكرك لأنك بتخلي كل شخص يشوف نجاحي، ونُصرتي، وازدهاري. وبينجذبوا لأعمالك العجيبة في حياتي ويعطوك المجد، باسم يسوع. آمين.

مهما عمل لك أي شخص حاجات ضايقتك، أوعى تتمنى له الشر. بالعكس، صلِّ له وباركه.