منتدى الفرح المسيحى

https://upload.chjoy.com/uploads/1518561607681.jpg

قدسوا الحب
الحب بيزرع الأرض البور
بيملى ينابيع جفت سنين
بيخلق مواهب كتيرجوانا
الحب بيعمر بيوت مهجورة
بيزرع شجر جوه البيوت
بيغير مخارج ألفاظ كلماتنا
الحب بيغير ملامحنا ونبضات قلبنا فينا
بيحرك الكسيح ويشدد الأرجل المسترخيه
بيفتح عيون العمى بيشوفوا الدنيا سما
الحب بيخليك وٌلاد لكل ماهو جديد فى حياتك
بيخلى العاقر ساكنه فى بيت ام اولاد فرحه
لا يسكن فى جدران غليظه المشاعر وبليده فى احاسيسها
الحب لا يمسكه الكسلان . ولا يعرفه المتكبر سليط اللسان
بيغير طبيعتى اللى اتربيت عليها وتطبعت بيها
بيولد فينا ثقه بأنفسنا واتضاع لقلوبنا
الحب بيشفى الروح والنفس والجسد ويجدد شبابك
هو روح من السما تسكن روحك
هو ثمر الروح القدس وتفضل الله علينا به
الحب النقى الغير ملوث له قدسيته واحترامه
الحب يُقدس ومن قَدس الحب . يُقدسه الحب ايضاً
ومن دنس الحب تخلى عنه وفارقه لانه ابيض واحمر
كل يوم تحب فيه هتعرف عنه حاجه جديده لأن الحب سر
الحب اللى استلمناه من الله محبه نحافظ عليه ونكبره ونكبر بيه
الحب غنى وعنده الكتير والكتير ليك
الحب يحتاج اليك .. كما انت تحتاج اليه

#فماذا_عمل_الحب_معك؟