منتدى الفرح المسيحى - تدريب جديد للصوم الكبير

https://upload.chjoy.com/uploads/1518297721741.jpg

كلنا عاوزين نعرف نصوم من كام لكام.. ونقرا ايه.

. وهو ينفع ده ولا ماينفعش..كام مطانيه. كل ده رائع ولازم يبقي ليك قانون وتعمله..
لكن تدريب الصوم اللي عاوز اقولهولك
تعرف تبطل تخون
تبطل تغش وتحقد
تبطل تدوس علي حق غيرك
تعرف تقول لنفسك كفايا اجرح وادوس بحجه اللي قدامي بيستحمل ومابيتكلمش
تعرف تنصف المظلوم
تعرف تقول كلمه حق
تعرف تبطل تدين غيرك وتسؤ سمعته علشان اغراضك
تعرف تكون اخ لاخواتك.وتكون اب لعيالك.. وام لولادك
تعرفوا تبقوا عندكوا رحمه.. تعرفوا تبطلوا كبرياء.. تعرفوا تبطلوا ظلم..
تعرف تكون خادم.. او انا ابقي كاهن..
تبطل تدين في اخواتك جوه خدمتك وكنيستك والجسد الواحد
تبطل تكون زارع خصومات بين اخوه
تعرف في الصوم ده ترجع انسان ؟؟
صوم للمساء. اقرا كل كتب الآباء.. انسخ الانجيل.. اعمل 100مطانيه
بس اعمل كده وانت انسان. لا دايس علي حد ولا جارح حد.. ولا متكبر .ولا جوه قلبك قساوه
الصوم اللي جي اجتهد انك ترجع صوره الانسان اللي اتشوهت جواك