منتدى الفرح المسيحى - ارجع مرة تانى لربنا

ارجع مرة تانى لربنا
ارجع مرة تانى لربنا وانت هتلاقى ايدين مفتوحه قدامك بتقولك اهلا بيك يابنى من تانى
هتلاقيه بيقولك انا بقالى زمان طويل اوى مستنى اللحظه دى.
اوعى تخاف . . ..هو مش هيعاتبك على الى فات من عمرك فى الخطيه والضياع . . . لا اطمن هو هيبداء معاك من جديد من لحظه رجوعك ليه عارف ليه؟!
علشان اول ماانت هترجع ليه هو هيسامحك على كل الى فات وكمان هيديلك غفران لخطيتك الكبيرة الى انت عملتها وانت بعيد عنه . . . وعارف ايه كمان؟!! هو هيديلك قوة كبيرة اوى من عندة هى قوة الروح القدس اةة الروح القدس روح الله المعزى والمرشد علشان يخلييك تتغلب على الخطيه وهينقى كمان قلبك وفكرك وهيخلق فيك قلب جديد خاااااالص قلب ابيض حلو مبيعرفش يعنى ايه خطيه ولا حقد ولا كرة ولا خداع ولا كذب ولا غش قلب يعرف بس يحب ويسامح ويصارح ويصادق قلب طيب زى قلبه كده قلب يحبه ويقدر حبه ليه قلب يعقد طول الليل والنهار يسبحه ويشكرة على فضل انعامه الحلوة
استنى !! ده كمان هيرجعك لرتبه كبيرة وعظيمه اوى فى نظرك عارف ايه هى الرتبه دى؟!! هيقولك يابنى !!! اعظم واكبر كلمه ممكن تسمعها منه لان قلبه حنين عليك اوى احن من قلبك على نفسك!
هو مش هيعاملك زى ما انت متصور مش علشان انت عاملته بقسوة وبظلم وبعد نتيجه خطيتك يبقى هو هيعاملك كده
هو مش هيدق المسامير فى ايدك ورجلك زى ما انت دقيتهم فيه
هو هيضربك بالحربه زى ما انت ضربته
هو مش هيشربك خل مر زى اما انت شربته
هو مش هيلبسك اكليل شوك زى ما انت لبسته
لالالالا ده هيضمك فى حضنه من تانى
وهيحوطك بايده الحلوة الحنينه
وهيشربك من نبع حبه الصافى الابدى
وهيلبسك ثوب ابيض منور زى الملايكه
وهيمسك بايدك طول عمرك الباقى معاه
وهيجرحك بحبه وحنانه وحنيته
شفت بقى قد ايه انت ظالمه وخايف منه اوى مع انه ابوك ؟!!
ابوك الى بيحبك وبيخااف عليك!!!!!!!!!
هاااااااااااااة هترجع ليه تانى دلوقتى ولا مستنى وقت علشان تفكر تانى؟