منتدى الفرح المسيحى - عاوز تعرف صاحبك من اى نوع ؟

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - عاوز تعرف صاحبك من اى نوع ؟ (https://www.chjoy.com/vb/showthread.php?t=5365)

عاوز تعرف صاحبك من اى نوع ؟

عاوز تعرف صاحبك
الاول لازم تعرف اننا كلنا فينا عيوب ومميزات
يعني كلنا بنجمع بين الصفات المتناقضه:36_7_8:
كل شخص جواه جزء من كل الصفات
يعني حتلاقي جواك صفه الكرم والبخل
وحتلاقي الذكاء والغباء والشهامه والنداله
وكل الصفات موجوده بنسب متفاوته
والصفه اللي بتطغي علي باقي الصفات هي دي الصفه المميزه للشخصيه
تعالي بقي طبق الكلام ده علي صحابك
وحدد كل واحد ايه الصفه المسيطره فيه
صاحبك البخيل
تلاقيه دايما اخر واحد يحط ايده في جيبه وانتم قايمين من علي القهوه
علشان تحاسبوا القهوجي

صاحبك الغبي
اخر واحد يضحك علي نكته قالها واحد تاني وتلاقيه بيضحك بصوت عالي

صاحبك المغرور
دايما يتكلم عن انجازاته اللي عملها
ودائم التحدث عن المهارات اللي عنده:36_7_8:
ومش عند غيره وتلاقي امكانياته اقل بكتير من طموحاته

صاحبك البكاش
الكذاب نسااي يعني يحكي لك حاجه النهارده
وتاني يوم يحكي لك نفس الحاجه بصوره تانيه خالص

صاحبك الندل
اول واحد يجري لما ابو البنت اللي انت ماشي معاها
يقفشك وانت ماسك ايدها
:36_7_8:
صاحبك الحقود
قليل الكلام علي وجهه ابتسامه مالهاش ملامح
تزيد الابتسامه دي لما تتمسك في خانه اليك
وانت بتلعب طاوله وهو بيتفرج عليك

صاحبك اللي تصاحبه
هو اللي تلاقيه وقت الضيق
اللي يحب لك الخير
اللي ما يزعلش لما يلاقيك ناجح
اللي ينصحك ويشدك ناحيه الخير والالتزام
اللي يزعل لزعلك ويفرح لفرحك
اللي يرد غيبتك
اللي تحس انه اكتر من اخوك

والمثل الشعبي بيقول
اعرف صاحبك وعلم عليه
يعني يا اما علامه صح او علامه اكس

مش كده ولا ايه؟؟؟

مشاركة مميزة منك
يا رونى

ميرسى مارينا
توبيك راااااااااااااااااااااائع

ميرسى كتييييير على مشاركتكم الحلوة