منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع المسيحية المتنوعة (https://www.chjoy.com/vb/forumdisplay.php?f=154)
-   -   انت مش متروك (https://www.chjoy.com/vb/showthread.php?t=536459)

walaa farouk 02 - 02 - 2018 12:01 AM

انت مش متروك
 
https://upload.chjoy.com/uploads/1517529643311.jpg


اياك تفكر انك تهون عليه..
اياك تسرح انك مَنسي ومش في الحسبان
انك متروك..
لأنه شغال في حياتك، ومش كلام نظري محفوظ، هو بجد شغال في حياتك.. حتي لو مش بترضيه طول الوقت، حتي لو بتضعف قدام اي خطية، كل دة مبيوقفهوش انه يكمل شغل في حياتك.. مش لازم تشوف الحاجة واضحة قدام عينك عشان تصدق، مش لازم نركز ابدا عالوحش اللي في حياتنا ونبص ع الارض لأن منظرنا دة بيوجع جدا قلبه.. بيبقي هاين عليه يرفع راسك المحنية دي ويمسح دموعك ويطيب خاطرك ويقولك يابني انا مسبتكش لحظة.. انا ضابط الكل.. انا مِستلم حياتك من ساعة ما وقعت وخُفت، من قبل ما تفكر تناديني.. انا ببقي موجود قصادك وبحميك من حاجات كتير في نفس اللحظة اللي بتبكي فيها وتنادي تقولي "انت فين؟"
عشان صعب اوي تقول لحد مبيفكرش غير فيك "انت فين؟ مش شايفك ولا حاسس انك هنا سامعني"..

صدق انك مش متروك، حتي لو صعب عليك تصدق دلوقتي. بس تعرف تمسك دموعك؟ تمسك نفسك وتصلب طولك كدة وتصدق؟ وتحارب خوفك من بكرة ووجعك عاللي فات وتمسك في وعوده الحقيقية.. وعود الهية صادقة.. صدق وارفع عينك من غير دموع بثقة انه هنا .. انه موجود وسامع وبيشتغل!

#الله_يعمل
#انت_مش_متروك

Mary Naeem 02 - 02 - 2018 10:41 AM

رد: انت مش متروك
 
صدق وارفع عينك من غير دموع بثقة انه هنا .. انه موجود وسامع وبيشتغل!

رووووووووووعة حببتي
ربنا يفرح قلبك


walaa farouk 02 - 02 - 2018 07:37 PM

رد: انت مش متروك
 
ميرسى على مرورك الغالى مرمر :)


الساعة الآن 11:26 AM

Powered by vBulletin® Copyright ©2000 - 2025