منتدى الفرح المسيحى - بحرضكم يا بنات

https://upload.chjoy.com/uploads/1517526348691.jpg

ايوه بحرضكم يا بنات
ترفضوا أي جواز صالونات
الموضوع مش بيعه وشروه
ولا علشان شافك ف الشارع .. أعجب بيكي ؟!
هو اللي هيتشد لشكلك ..
إزاي هيحس بإيه فيكي ؟!
متخليش نفسك تمثال
متعلق جوه الفتارين
عيشي كأنك نص الدنيا
مش محبوسه ف بيت لسنين
اوعي توافقي تكوني مجرد
شئ أو حاجه
اوعي توافقي تحبي وقلبك .. ناقص حاجه
عمرك ملكك ..
ومحدش هيعيشه بدالك
فاختاري القلب اللي يحبك
مش حابك من أجل جمالك
واتأكدي مليون ف الميه
إن محدش واصي عليكي
انتي بتاعتك .. مش بتاعتهم
إنك ليكي
من حقك تختاري لوحدك
اللي تكون دبلته ف إيديكي <3 !