منتدى الفرح المسيحى

https://upload.chjoy.com/uploads/1517268543121.jpg

اكتر تفصيلة مرعبة في اي علاقة و خاصة الجواز هي غياب الأمان..
انك عايش و انت خايف من الغدر..
خايف ليكون بيتضحك عليك و انت مِدّي الأمان..
قلقان تلف وشك فتاخد علي قفاك !
احساس الخوف نفسه من شريك الحياة احساس مُقبض ، يعني ايه حد يعيش مع حد قلقان منه، مش مالي ايده من رد فعله؟ مش واثق ان ده سنده و خايف ان ممكن عند اقرب ملف يبيعك بشلن..

في كتير خايفين و هما متجوزين و يمكن اغلبهم ستات، مع ان ساعات كتير الرجالة بيكونوا كويسين و محترمين بس بيفتقدوا لفن الطمأنة .. مش بيدوا لستاتهم الاحساس انهم سندهم و حمايتهم .. كلامهم و ردود افعالهم تخّوف اكتر ما بتطّمن لإنهم مش مُدركين اهميتها !

اللي مبيحسش بالدفا في بيته، هيحسه فين؟
اللي خايف مع شريك حياته و هما بيتنفسوا نفس الهوا هيتطمن امتي؟
غياب الأمان احساس مُرعب بيخليك حاسس انك عايش غلط ..
كون انك مش متأكد انك متطمن و واثق في اللي معاك فا دي كارثة ، تفاصيلها هتقتلك يوم بعد يوم !