منتدى الفرح المسيحى - المس ايدينا يا يسوع

https://upload.chjoy.com/uploads/151726463471.jpg

قالوا الفراق عن أغلي حد كأنه مُوت
لما بتسكُت الحياه من اي صوت
انت السبب بس في حلاوة كل شيء
سبب رئيسي اني بس اعيش مبسوط

من غير وجودك حاسس اني اتخنقت
بقيت الحياه بنسبة ليا بس وقت..
انكساري ووحدتي حصلوا عشان
لما بعدت يارب عنك وافترقت!

بنشوف حقيقة عُمرنا لما بنمشي
مين فينا من كتر القلق خاف ومنامشي
مين فينا مش محتاج ايديك؟
مليون سبب خلوني مشتاق اني اجيلك
احساس السند والضهر اللي بيحاميلك
احساس غلاوتي اللي في عينيك...

كبريائي كان سبب اني مشيت
وفضلت خايف لما مبقاش ليا بيت
شعوري بالوحدة عشان مبقتش جمبك
انا من زمان ماجتش ليك ولا حكيت..

دلوقتي راجع ليك يارب عايز ابقي حر
مَطفي ومخنوق وقتي بيعدي وبيمُر
مُستحيل يارب من غيرك اعيش
راجع عشان كل اللي عايشه بس عُمر..