منتدى الفرح المسيحى - ها عرفت بطلت احبك ليه ؟!!

https://img1.mrkzgulf.com/i/00127/s0bvavt8ifun.jpg

_ لسه بتحبني ؟!!
- اه لسه بحبك ...

_ انا بقي بطلت احبك
- ليه ..؟!

_ ليه بطلت احبك !!
لاني نسيت اني ست ..
نسيت نفسي لانك ف الغالب مبقتش تلاحظ فيا اي فرق

_ ليه بطلت احبك !!
عشان دايما كل كلمه حلوه بدون مقابل بتطلع مني .. مش منك

_ ليه بطلت احبك !!
لانك دايما محسسني اني محتجالك وعمري ماحسيت انك محتاجلي

_ ليه بطلت احبك !!
لاني كرهت كل لحظه ضعف ضعفتها تجاهك خلتني اجي علي نفسي وخلتك تهين وتذل وتوجع فيا

_ ليه بطلت احبك !!
عشان لما بنزعل من بعض بتقدر تبعد عني بالايام ومبيهمكش

_ ليه بطلت احبك !!
عشان اتمنيت احس اني اول اهتماماتك رقم 1 ف حياتك .. احس مش اسمع

_ ليه بطلت احبك !!
عشان بطلت تحبني ..
انا كنت بستني اي مناسبه عشان اعبرلك فيها عن حبي وانت كنت تتفن ازاي تنكد عليا وتخاصمني

_ ليه بطلت احبك !!
عشان انت اول واحد المفروض يحميني ويبعدني عن اي حاجه او حد ممكن يضرني ..
لكن للاسف انت بأيدك عايزني ارحلها من غير ما تحس

_ ليه بطلت احبك !!
عشان بقيت احس اني بتكلم مع حد مش معايا

_ ليه بطلت احبك !!
عشان تعبت من كتر المحاولات وف الاخر يأست .. وصلت لحيطه سد

_ ليه بطلت احبك !!
عشان كل احلامي اللي حلمتها معاك انا بس اللي اتمنيت احققها ..
ومبتتحققش عشان لواحدي

_ ليه بطلت احبك !!
عشان مش ذنبي اني حبيتك كده وعيني رفضت تشوف غيرك ..
لكن انت ذنبك انك كرهتني فيك

_ ليه بطلت احبك !!
عشان دايما نفسي تفاجأني بحاجه مش متوقعاها حاجه بحبها ..
ودايما بتفاجئ بطباع وتصرفات جديده بتبعدني عنك اكتر

_ ليه بطلت احبك !!
عشان دايما واثق اني بحبك حب هيخليني عبده عندك .. بس انا مش كدا

_ ليه بطلت احبك !!
عشان بعد ما كنت بعشق وجودك جمبي وريحتك وكل حاجه فيك ..
بقي نفسك بيخنقني بيموتني لانه بارد

_ ليه بطلت احبك !!
عشان كل موبايلي مايرن او يجيلي تنبيه رساله ادعي ربنا تكون منك ..
تكون افتكرتني او جيت علي بالك .. وللاسف مبيحصلش

_ ليه بطلت احبك !!
لاني دايما مستنيه حاجه منك مش بلاقيها وعمري مالقيتها

_ ليه بطلت احبك !!
لآن ف مقابل حبي ليك الشديد وعشرتي ووقفتي جمبك خدت اهمال .. قسوة .. ولامبالاه ..

_ ها عرفت بطلت احبك ليه ؟!!