منتدى الفرح المسيحى - بتخاف تنسي نفسك جوا نفسك ...

https://img1.mrkzgulf.com/i/00127/8m73iboph9cc.jpg

كل واحد فينا جواه ركن فاضي
ركن ضلمة محدش يعرف عنه أي حاجة غيرك انت وبس ..
الركن ده ممكن يكون جوا قلبك وشايل فيه حب كبير لشخص مش عارف توصله ... !!
حب زي ورق مكتوب وقصة مركونة في ركن فاضي جوا درج ....!!
الركن ده ممكن يكون جوا عقلك شايل هموم محدش داريها الا انت ...
الركن ده ممكن يكون جوا كيانك ...
أو جوا نفسك ......

ولو جوا نفسك بتلاقيه مليان وزحمة ....
ومع انه ركن هادي وبترتاح جواه لما بتلاقي نفسك وحيد ...!!
بتخاف لما تدخله تقرب من اي حاجة مركونة فيه ....
بتخاف لتلمس ذكري قديمة ... وتخاف تفكر في حاجة فاتت ما صدقت تنساها ....
مش مسموح تلمس أي شيء والمكسور ممنوع تلمسه واللي وقع واللي خدش واللي ...... كراكيب كتير في ركن فاضي وكله ضلمة ...

وحتي أما بتدخله ... بتخاف تتغير وتنسي العالم اللي برا ...
وبتخاف تنسي نفسك جوا نفسك ...
ويبقي اللي برا شخص تاني ..... ويدفنك جوا روحك ....
وبعد فتره يفتكر
ويدخل يدور ....
وينسي نفسه ....
ويبقي اللي برا شخص تالت ....
ويدفنك ....
جنب الكراكيب القديمة