منتدى الفرح المسيحى - هو انتوا ليه اصحاب اوي كده ؟

منتدى الفرح المسيحى (https://www.chjoy.com/vb/index.php)

- فضفضة شبابية بلا حدود (https://www.chjoy.com/vb/forumdisplay.php?f=92)

- - هو انتوا ليه اصحاب اوي كده ؟ (https://www.chjoy.com/vb/showthread.php?t=533425)

هو انتوا ليه اصحاب اوي كده ؟

"هو انتوا ليه اصحاب اوي كده ؟"
سألتني بمنتهى الجدية !
.
.
"ماعنديش اجابة واضحة للسؤال ده ؛
بس يمكن عشان عرفت عني كل حاجة ولسه قادرة تحبّني !
عشان خليتها تشوف جوانب ضلمة ، جزء انا شخصيا كنت بحاول اهرب منه بس عشان القلب اتفتحلها شافته وفضلت موجودة !
اختارت تفضل موجودة على الرغم من عصبيتي ، جناني ، توتري المفرط ......
اختارت تفضل موجودة رغم العُقد والوجع الكتير !
ليه الواحد يختار البقاء وهو عارف كل ده ؟
اكيد بتحبني !
جبت التأكيد ده منين ؟
عشان كل مرة وقعت فيها كانت هي اللي بتسندني حتى اما كنت بقول "لا انا تمام مش محتاجه حد" كانت هي واقفه تسندني غصب واقتدار !
عشان كل مرة كنت حزينة فيها واسرح ارجع ابُص عليها الاقيها بصالي بحب (مش شفقة) بصه شخص حاسس بيك بيفكر يقدر يعمل ايه عشانك ، عشان ماتبقاش حزين !
عشان ساعات وبدون مبالغة بشوف فيها أمي اللي بتقفش على صاحبتي اللي اتخانقت معاها اكتر مني وتزعل منها وحتى لو صالحتها تفضل هي شايلاهالها انها ضايقتني......
يمكن عشان بتحس بيه اشي خيال كده يا ناس !
يمكن عشان فضلت موجودة ...........
رغم كل شئ
على الرغم من كل شئ
اختارت بارادتها الحرة تخوض معايا معركتي
اختارت تفضل موجودة تزُقني بكل قوتها اني أوصل لبر الأمان
اخترها القدر ليه خليل ونجم يضيئ ظلام النفس المعذبة"