منتدى الفرح المسيحى - ماتخافش وقت ختانك وجرحك

https://upload.chjoy.com/uploads/1516319947591.jpg

في الختان الابن بيفتكر ان الام والاب موافقين انه يصرخ ويتجرح..

وبيبقي بيصرخلهم علشان ينجدوه لكن الاب والام بيسيبوه يصرخ ويتجرح..

الابن هنا فاكر انه متساب وابوه وامه راضين بجرحه

.. لكن الحقيقه هما بيتألموا زييه لكن سابوه يتوجع لمصلحته..

. واحنا كمان وقت جرحنا وبكانا وصراخنا بنفتكر ان الله موافق علي جرحنا ووجعنا

ومش معبرنا لكن في الحقيقه هو قلبه معصور علي وجعنا

بس لازم يسيبنا لمصلحتنا علشان لنا نكبر نقول شكرا يا أبويا انك تعبت معايا وانا صغير

.. ربنا مش مطنش صراخك بس يمكن ده وقت ختانك..

ولو قولت الوقت طول اوي هاقولك احنا كل لحظه محتاجين وجع الختان.

ماتخافش وقت ختانك وجرحك ابوك ماسك ايدك ومش سايبك