منتدى الفرح المسيحى - اللي اداك يدينا

https://upload.chjoy.com/uploads/1516175834711.jpg

اللي اداك يدينا
جملة سمعتها من واحد بسيط بيقولها لراجل غني بيزعقله علشان ممسحلوش العربية بزمه
اللي اداك يدينا .. جملة كلها ايمان وثقه ان العاطي هو الله .. هو اللي اداك
وزي ما اعطاك قادر يعطينا ويعطي الكل
لان الله ليس له مصلحه شخصية مع فرد على حساب فرد كي يعطي هذا ويمنع الخير عن ذاك
ولكن كل شئ بحساب
وراجعوا التاريخ وشوفوا .. ناس كتير كانت فلوسهم كتير وحاليا مش لاقيين يتعالجوا
وناس تانيه مكنتش لاقيه تاكل .. وراكبه احدث العربيات

اللي ادالهم يديلكم .. بس انتوا قولوا امين
ولكن الاهم من المال .. هو انكم تطلبوا الصحة .. الستر .. الحب .. راحة البال
دي حاجات اغلى من اي شئ .. حاجات لا تشترى
هتقولي اديني الفلوس واديلك السعاده !!
طب تعمل ايه في واحد ابنه بيموت وسفره يعالجه في اكبر مستشفيات العالم دون اي فايده
مقارنة بشخص بسيط واخد ابنه السليم في حضنه بالليل .. ومستمتع بنفسه الدافي

الشكر .. الشكر .. ثم الشكر
انتوا في نعمه كبيرة .. ولو نسيتوا .. راجعوا احسناته