منتدى الفرح المسيحى - لم روحت ازور يسوع

https://upload.chjoy.com/uploads/151535452991.jpg

احم احم .. ممكن ادخل ؟!
صباح الخير ..،
انا أسف إني جيت ف وقت مش مناسب
حمدلله علي سلامتك يا "ست الكل" ..
ألف ألف مبروك يا "مريم"
مبروووووك يا "عم يوسف"
إيه الحلاوة دي يا "يسوع"! .. طبعآ ما انت "أبرع جمالآ من بني البشر" ومين أدك !
كل سنة وانت زي ما انت يا رب
ممكن اخد صوره معاكوا ؟!
عشان اوريها لولادي وولاد ولادي واقولهم إني كنت ف المزود ..
صحيح قبل ما انسي .. انا معرفتش اجيبلك هديه يا "عمانوئيل" .. ما باليد حيله
ملقتش غير "قلبي" ده ..خلعته و جيبتهولك
إتفضل يا سيدي ..
بس حاسب علي إيدك " أصله لسه بدمه"
استأذن أنا بقي ..،
بابا يسوع ... " بحبك" ✋