منتدى الفرح المسيحى - توقعات "ابراج البنات" ل سنة 2018

https://www.mrkzgulf.com/8tpr0xpn86oy

برج الحمل :
أخيرآ هتفرج وهتضحك ف وشك .. هتحوشي قرشين حلوين بس هتمشي بمبدأ داري علي شمعتك تقيد .. احتمالية الجواز كبيره ف السنه دي .. صبرتي ونولتي يعني 😂

برج الثور :
هتشوفي مفاجأت وانبهارات .. خلي بالك ومتحاوليش تعملي مشاكل مع حد ابوس ايدك عشان السنه تعدي علي خير .. احب ابشرك انك لو مرتبطه بواحد مش بتحبيه هتسبيه السنه دي وتخلصي منه بعون الله .. مش بقولك هتشوفي مفاجأت😂

برج الجوزاء :
هتخلصي من النحس اللي بقالك فتره عايشاه .. وهتقابلي فارس احلامك اللي بتدوري عليه من زمان .. بس لما تلاقيه اقفشي ف امه علشان دي فرصه مبتتكررش كتير 😂

برج السرطان :
السنه دي سنة الروقان بالنسبالك .. هتعدي ف هدوء و راحة بال .. هتعيشي قصة حب كان نفسك تعيشيها .. بس متستعجليش ع الجواز لسه بدري .. اهدي يا منار 😂

برج الاسد :
اعقلي وبطلي تهور .. مفيش حاجه تيجي كده اهدي يا بيبي كده .. الشتا هيبقي كئيب عليكي بس الصيف هيبقي زي الفل .. هتدخلي قصة حب كبيره .. بس خلي بالك في حواليكي شوية ناس بتوع حوارات وكدب حاولي تخلصي منهم قبل ما يخلصوا هما عليكي 😂

برج العذراء :
هتشوفي ايام زي الفل .. بقالك فتره طالع عينك بس متقلقيش السنه دي هترتاحي ع الأخر .. حاولي تبخري نفسك من دلوقتي علشان السنه دي هتبقي سنه كلها نجاح وفرحه .. الله يسهلك 😂

برج الميزان :
اخيرآ هتخلصي من الناس اللي قارفينك ف عيشتك .. هتقضي السنه دي مع نفسك بس وانتي مبسوطه .. متوجعيش دماغنا بقا ب ارتباط او جواز .. هتدخلي 2018 سينجل وتطلعي منها سينجل 😂

برج العقرب :
حظك م السما السنه دي .. صحيح هتتعبي وتتمرمطي .. بس محدش بياكلها بالساهل .. المهم انك هتعمليهم علي قلبك ومش بعيد تبقي من ذوات الاموال .. شكل الزهر هيلعب 😂

برج القوس :
هتكون سنه لطيفه .. بس خلي بالك م الفضايح .. لو بتعملي حاجه ف السر ومحدش عارفها الحقي نفسك قبل ما تتقندل علي دماغك .. ومتخافيش .. عمومآ يعني حياتك هترجع حلوه زي زمان .. وهتروق وتحلي 😂

برج الجدي :

انتي داخله علي منعطف تاريخي .. وهيدخل حياتك واحد يقلبها من فوق لتحت .. استعدي لارتباط زي بتوع الافلام .. واللي اداكي يدينا يا ستي 😂

برج الدلو :
ابعدي عن صحابك اللي نيتهم مش سليمه .. اديني بحذرك .. قدامك سكة سفر .. و نجاح ف شغلك .. الامور العاطفيه فيها مفاجأه حلوه .. يا هترتبطي بواحد بتحبيه .. يا هتخلصي من واحد مش طايقاه 😂

برج الحوت :
كل الحاجات اللي باظت زمان هتتصلح السنه دي .. يعني ربنا هيفرجها عليكي من وسع .. واضح يا بنتي انك تعبتي كتير ف حياتك .. واهو جالك يوم تفرحي .. يلا يا بنت المحظوظه