منتدى الفرح المسيحى - العدرا دي بتاعة القضايا الخسرانة

https://d.top4top.net/p_730xja051.jpg

العدرا دي بتاعة القضايا الخسرانة

انا باتخيل كده
كأن المسيح معاه ملفات بتاعة مشاكلنا وبيوزعها
وطبعا العدرا زي عادتها هي دايما تعمل كده اخر واحدة في كل حاجة
وزع علي الملايكة والشهدا والقديسين يجي ريئس الملايكة ميخائيل ياخد قضايا صعبة ومارجرجس ياخد القضايا اللي محتاجة شدة وابوسيفين ومعاه امنا ايريني ياخدوا القضايا اللي محتاجة رقة وحب
ومارمينا والبابا كيرلس ياخدوا القضايا اللي محتاجة حكمة وتأني وهكذا

في الاخر خالص يبص كده في ايدية علي القضايا الباقية ويبص للعدرا ويقولها مش باقي غير القضايا الخسرانة اللي ماحدش رضي ياخدها
فتقوله انا هاخدها
هاتعملي بيها ايه دي خسرانة

عارفين ابو السعد الابوتيجي اكتر واحد كتب مدايح في العدرا
ويقال انه اول واحد دخل المدايح العربي لطقوس الكنيسة القبطية
ده كان ساحر كبير جدا وكان قضية خسرانة والعدرا
من غير سبب منه انقذته مرتين مرة من الموت ومرة من العمي
فتحول باقي حياته لمداح العدرا

ياعدرا انتي بتاخدي القضايا الخسرانة
وانا قضية خسرانة ...