منتدى الفرح المسيحى - لو يبقى مفيش فعلا

https://www.mrkzgulf.com/8x80792ban2l

مالك ؟ مفيش !
اسرع رد ف الوجود ..
تخيلت كدة للحظة لو مفيش فعلا ..
مش مفيش حاجة تتحكي بس مفيش حاجة معكراني ، مفيش خطية ذلاني ، مفيش موضوع مش لاقيله حل ، مفيش طريق مش لاقيله راجعة ، مفيش حاجة هتتجنني وتشت دماغي !!
ده ياه لو مفيش فعلًا !!
وجيت عند صموئيل النبي ف حدث م الاحداث كدة ووقفت ..(وَأَخَذَ الْفِلِسْطِينِيُّونَ تَابُوتَ اللهِ وَأَدْخَلُوهُ إِلَى بَيْتِ دَاجُونَ، وَأَقَامُوهُ بِقُرْبِ دَاجُونَ. وَبَكَّرَ الأَشْدُودِيُّونَ فِي الْغَدِ وَإِذَا بِدَاجُونَ سَاقِطٌ عَلَى وَجْهِهِ إِلَى الأَرْضِ أَمَامَ تَابُوتِ الرَّبّ)!!
داجون ده كان آله هما ماشيين وراه ! آله في وجود الآله الحي طب ازاي؟ ف بيقولك يعني ف حضرة ربنا هيبقي فيه آلهة غيره؟ مفيش 😄😃
لو هو موجود مفيش آله بيطول ! بيتكسروا قدامنا .. بيتكسر كل قلق ويروح ، بيتكسر كل حبيب بيجر لسكة مش صح ، بيكسر كل قلة راحة بال و يبدلها بطمأنينة، بيكسر كل تشويش و يخليك تتصرف صح .. ❤💜
وبيبقي ساعتها معانا لوحدنا من غير قيود من غير خوف .. ويبقي ساعتها مفيش
(مفيش) حاجة تسر القلب الا ثقتي ف حبك ليا..اناا غالي عليه