منتدى الفرح المسيحى - الهى رحمته تتقدمنى

رحمة ربنا مش بس إنه نجانا من النار وخلانا نضمن أبديتنا، لكن معناها أكبر من كده

https://www.mrkzgulf.com/tyt6s7hb5crc

الأيه دي قالها داود في وسط معركته مع شاول وجنوده ومحاولته للهروب منه، طبعاً هتسألوا ربنا رحمه إزاي وكل المشاكل دي حواليه؟
الحقيقة اللي اعلنها داود دي نتيجة كل الخبرات السابقة اللي عدى فيها مع الله.
راجع المواقف الصعبة اللي عديت فيها أو المشاكل اللي كنت فاكر إنها مستحيل تتعَدِّل وشوف إيد ربنا معاك كان شكلها إيه وانت هتعرف قد إيه رحمته كبيرة

https://www.mrkzgulf.com/w59gtrnu61gl

الخير والرحمة دول مش مجرد كلمتين حلوين جايين ورا بعض..
لما بنصلي أو بنطلب منه حاجات ويديهالنا دا اسمه خير ولما بيمنعها عننا دي بتبقى رحمة منه، بيرحمنا من أي حاجة وحشة كنا ممكن نتعرض لها، أوقات كتير زي ما مكتوب في الكتاب إحنا مش بنبقي عارفين بنصلي لإيه وإيه نتيجة اللي إحنا بنطلبه بس هو في رحمته بيختار لنا الصالح، ولازم تصدق في الكلام ده علشان تقدر تثق فيه.

https://www.mrkzgulf.com/xpfvmkochx30

الإكليل اللي بيتكلم عليه هنا هو الرحمة والرأفة، الرحمة بتدِّي جمال، الرحمة مش بس صفة من صفات الله، الله نفسه رحمة، ربنا عايز يجمّلنا لأننا أولاده وهدفه إننا نشابه صورة ابنه ودا على الجانب العملي ببساطة لما حد من اخواتنا يقع أو يغلط لازم يكون في قلوبنا رحمة مانعلقلوش المشانق من أولها، وماتنساش انت بتغلط كتير وأكيد في ناس بتحبك وبتعديلك كتير..

https://www.mrkzgulf.com/19taiq03vy4p

زي ما الأب بياخد ابنه في حضنه وبيطبطب عليه، ويطمنه لو قلقان، ويحسسه بالحب والدفا لما يقرب منه، رحمة ربنا محوطاك بنفس الطريقة، بيرحمني من نتيجة الخطية وعقابها، بيرحمني من نتائج أخطائي اللي بعملها، بيديني فرصة جديدة كل يوم، مراحمه جديدة كل صباح، الشرط الوحيد للرحمة دي الاتكال على الله.