منتدى الفرح المسيحى - عيب تبقى راجل وتعمل كده

https://www.mrkzgulf.com/g1cjoge5d4e6

عيب تبقي راجل وتخلي مراتك تصرف عليك
عيب تبقي راجل وقاعد في البيت ومراتك تنزل الصيدليه ولا السوق وانت متلقح قدام التلفزيون
عيب تبقي مراتك حامل وجسمها ضعيف وماتساعدهاش في شغل البيت
عيب تبقي راجل وتمنع مراتك من زياره رحمها ووصلهم
عيب تبقي راجل وتعشم مراتك قبل الجواز بحاجه وبعد الجواز تضحك عليها وماتنفذش كلامك
عيب تبقي راجل وشايف مراتك مريضه وخلصانه وماتطبطبش عليها ولا تحسسها بحنيتك مع انها بتكون في احتياج شديد لكلمه منك او دعم
عيب تبقي راجل وتدخل علي مراتك بلحمه وتقولها دي ليا كلها ،وهم ياكلوا عدس
عيب تبقي راجل ونازل في مراتك تلطيش وأهانه وانت جايبها من بيت محترم،لمجرد انها ست وماتقدرش ترود عليك الضرب بالمثل
عيب تبقي راجل ولما تزعل مع مراتك تحرض الولاد يهينوها
عيب تبقي راجل وانت كل اسرار بيتك بتحكيها لصحابك وامك واخواتك
عيب تبقي راجل وتسيب مراتك في البيت نفسها تقعد معاك ،ولا نفسها تخرج معاك ،وانت في القهوه مع صحابك بتلعب ولا بتشرب
عيب تبقي راجل وشايف مراتك في عرض كلمه حلوه وبتبخل عليها وتفرق الحلو كله علي صحباتك في الشغل ولا قرايبك الستات
عيب تبقي راجل وبقك بره شغال هزار وضحك وتدخل البيت بقك يتقفل وعينك تضيق ولسانك يتعوج
ستاتكم امانه اتقوا الله فيهم ،جايين من بيت محترم طلباتهم بسيطه واحتياجاتهم سهل تلبيتها ،حسسوهم بالامان هايعطوكم سعاده الدنيا كلها