منتدى الفرح المسيحى - النعمه تسند مش تجرح

عملت إيه
نشكر ربنا قتلته
حد شافك
لا نشكر ربنا
طب الحمدالله
(الحوار ده مش بيحصل بس لما حد بيسرق ولا بيقتل ويقول ربنا ساترها عليا لا..

ده بيحصل بينا وبين بعض لما نلاقي ناس بتفتخر انها جرحت اخوها بكلمه قصاد الكل فتلاقي ناس تقوله لا بسم الصليب عليك كنت هايل.. ربنا يباركك عرفت ترد عليه وماسكتلوش

... وانت تقول دي نعمه ربنا نشكر الله.. ونفتكر ان اللسان او الاسلوب
اللي تجرح بيه اخوك وتعريه قصاد الناس حتي لو أخوك غلطان دي نعمه وان ربنا موافق ومبارك..

بس احب اقولكم ان ربنا بيقول وقتها ( ايديكم مليانه دم وصلواتكوا مش سامعها.

. صومكم مش حابه.. والبخور بتاعكوا كرهتوا.. حتي اعيادكم باقت تقيله عليا). المحبه انك تحب الكل وتسند الكل وماتعريش اخوك حتي لو غلطان هي دي النعمه.. انك تتمثل بالسامري اللي ماهموش غير انه يداوي جروح انسان حتي لو كان مختلف عنه هي دي النعمه... اوعوا تشكروا الله بعد ماتقتلوا حد بكلمه. لان النعمه تسند مش تجرح)