|
زوادة اليوم : الأمانة
زوادة اليوم: الأمانة بيخبرو عن رجّال فقير كتير بخيرات الأرض، بس غني بخيرات السما، وكانت مرتو إنسانة تقيّة. بيوم من الإيّام، وما كان عندن شقفة خبز ت ياكلوها، بيروح الرجّال ع القدّاس، وبساحة الكنيسة، بيلاقي كيس... فتحو، بيلاقي ألف دينار. انبسط كتير، بيحمل الكيس وبيرجع ع البيت، وخبّر مرتو شو صار معو. بس مرتو وعّتلو ضميرو وقالتلو: «هيدا مال حرام لازم نرجّعو لأصحابو». رجع ع ساحة الكنيسة وسمع المنادي عم ينادي: «يا ناس مين لقي كيس فيه ألف دينار؟»، تقدّم الرجّال من المنادي وسلّمو الكيس، بس المفاجأة إنّو المنادي بيعطيه عشرة الآف دينار. بيسألو الرجّال: «ليش؟»، ساعتها بيخبرو المنادي، إنّو الملك بعت وراه وقلّو: «جوّات هالكيس في ألف دينار، بتكبّو بالساحة، وإذا تلاقيت بحدا رجّع الكيس بيكون صاحب أمانة، وبدَل الألف دينار، بتعطيه عشرة الآف دينار لأنّو بيستاهلُن». الزوّادة بتقلّي وبتقلّك: «الغني الحقيقي مش الغني بالمال، هوّي الغني بالأخلاق وبالأعمال». |
رد: زوادة اليوم : الأمانة
الغني الحقيقي مش الغني بالمال هوّي الغني بالأخلاق وبالأعمال ميرسى على مشاركتك الجميلة |
رد: زوادة اليوم : الأمانة
الغني الحقيقي مش الغني بالمال، هوّي الغني بالأخلاق وبالأعمال»
ميرسي على مشاركتك الجميلة |
رد: زوادة اليوم : الأمانة
الغني الحقيقي مش الغني بالمال، هوّي الغني بالأخلاق وبالأعمال
ربنا يباركك |
رد: زوادة اليوم : الأمانة
مروركم أسعدني وشرفني اتمنى لكم يوما مليئا ببركة رب المجد
|
| الساعة الآن 09:05 PM |
Powered by vBulletin® Copyright ©2000 - 2025