منتدى الفرح المسيحى - يا كنيسة دقي الاجراس

يا كنيسة دقي الاجراس

https://www.christian-dogma.com/im0p...=260&q=50&.jpg
نشر الشاعر الشاب محمد فتحي قصيدة جديدة علي صفحته علي موقع فيسبوك بعنوان يا كنيسة دقي الجرس والتي تدعو الي الوحدة الوطنية واليكم نصها
( يا كنيسة دقى الجرس )
يا كنيسة دقى الجرس
بلحن المحبة و السلام
ربنا وحده أعظم حرس
عينه لا بتغفل ولا بتنام
سمعينا أجمل نوتة
هزينا بأجمل عزف
عرفيهم أن الحدوتة
محبة بتنزف نزف
دقى أجمل ألحان
قولى أعظم ترنيمة
و احنا بحق القرأن
نيتنا ليكى سليمة
لو سمعتى صوت نشاذ
اعرفى أنه مش مننا
اللى عاملة كل الألغاز
دى ناس غريبة عننا
دقى بقوة و أعلى صوووت
خلى الكون كله يكون سامع
لحن المحبة مش هيموت
اللى بينك و ما بين الجامع
دقى مع صوت الأدان
فى كل لحظة صلاة
هزوا القلب و الوجدان
أنتم أعظم بيوت الله
ربنا يعمر مكانكم
يحفظ بيوته و يصون
احنا بنموت عشانكم
العمر ليكم يهون
نبينا و السيد المسيح
ميعرفوش أى كراهية
كانت حياتهم تسابيح
لرب الجلالة الإلهية
كلمات : محمد فتحى