منتدى الفرح المسيحى - الجامع والكنيسة

https://upload.chjoy.com/uploads/1511727319971.jpg

الجامع والكنيسة
حاجة غالية مش رخيصة
الاتنين بيوت الله
للعباده و الصلاة
الكنيسة فيها أبونا
بيعلمنا نحب اللى بيكرهونا
الجامع فيه مولانا
بيعلمنا نتسامح فى الاهانة
فيهم بيصفى قلبنا
فيهم بنقرب لربنا
فيهم رسالة محمد و عيسى
الجامع والكنيسة
حاجة غالية مش رخيصة
الله على الكنيسة و الجامع
صورتهم بتنور الشارع
هما نور بلدنا
هما علام اولادنا
يامحلا صوت الجرس والاذان
بيهزوا القلب و الوجدان
صوت كله احساس
صوت بيصحى الناس
نغمتهم و الله حسيسة
الجامع والكنيسة
حاجة غالية مش رخيصة
ربنا وصانا عليهم
محدش يتعرض ليهم
اقسم برب الكعبة
دول مش لعبة
ربنا ينتقم من الأيدين
اللى تتعرض لرموز الدين
يارب احفظ جوامعنا و كنايسنا
يارب انت اللى حارسنا
اكسر الأيادى الخسيسة
الجامع والكنيسة
حاجة غالية مش رخيصة
كلمات : محمد فتحى