منتدى الفرح المسيحى - زوادة اليوم: الله بيهمُس هَمس

زوادة اليوم: الله بيهمُس هَمس
بيخبّرو عن شَبّ خِسر شغلو، خِسر كل شي أسّسو، ومع الأسف فَقَد إيمانو، ودخل بجدَل كتير كبير مع الربّ، وكان دايمًا يقول: «الله ما بيرِدّ، الله ما بيسمع».
بيوم من الإيام بيقصد خوري الرعية، بيخبّرو عن قصتو وبيقلّو: «انبحّ صوتي قَد ما صرّخت وطلبت منّو بس ربنا ما بيرِدّ». الأبونا بيحكي بصوت كتير خافِت والشبّ ما بيسمع ولا أي همسة، بيقلّو: «ما سمعت شو قلتلّي». من جديد الكاهن بيتَمتِم نفس الكلمات، والشبّ بيقلّو: «ما سمعت شو عم بتقلّي». وبيقرّب لعند الكاهن، ساعتها الكاهن بيقلّو: «الله ما بيصرّخ، بيوَشوِش توشوُش، وإنت لازم تعيش الصمت لحتى تقدر تسمع شو بيقلّك».
الزوّادة بتدعيني وبتدعيك
لتعيش الصمت الداخلي وهيك بتدخل بعلاقة مع الربّ وبتسمع شو بيهمس بداخلك، قرّب مِنّو وقلّو: «تكلّم يا رب إن عبدك يسمع»، والله معك.

https://upload.chjoy.com/uploads/1511674600511.jpg