منتدى الفرح المسيحى - صالونات ولا حب .... الواقع ايه ؟؟؟

https://b.top4top.net/p_694v8me41.jpg

قالوا إن جواز الصالونات فاشل
وقالوا إن الحب هو اللي بينجح
والواقع ايه ؟؟

الواقع خلافات كتير في الحالتين
طب هي ايه المشكلة ؟

الصالونات جواز عقل بس لازم يكون في حب وتوافق في فترة الخطوبه
لو مفيش حب في الخطوبة ازاي هيكون موجود بعد المسؤلية والملل والروتين ؟
والحب بيفشل عشان مفيش حوار ومفيش تواصل بصري صحيح

اغلب الخناقات بالصوت العالي مش بالنقاش
الاصل ف الجواز لنكمل بعض مش لنتخانق مع بعض
ثقافة الوعي بين الازواج مش موجودة
متروحيش تشكي لصاحب وقريب مش هينفعوكم لانهم مش هيبقوا محايدين

في ماليزيا اي حد مقبل على الجواز بيدخلوهم دورات تأهيلية
غياب الوعي كارثة
نتجوز بدون منتحاور مع الشريك ونتصدم بعدين مصيبة

حتى الاجانب عندهم مشاكل بس بيحلوها
افه كل العلاقات سوء الفهم وعدم التواصل الصحيح
الفكرة مش في صالون وانتريه ولا حب
الفكرة فيما بعد بعد انقشاع فترة الزهو اللي هى بتبقى فى الغالب فتره الخطوبه وشهر العسل
الكرف بيقل وبيبقى التفاهم والتواصل دا اللي بيبقى مش الحب
الانسان بطبيعته ملول يعني كل يوم نفس الوش ونفس الشخص
بيزهق وملل روتين مالم تحل هذه المشكلة هتصبح الحياة جحيم

مفيش حد ملاك الستات متعملش دور الضحية طول الوقت ولا الرجالة شياطين طول الوقت
كلنا كدة ملايكة وشياطين مفيش حد مبيغلطش او معندوش عيوب
الفكرة في الاعتراف بالمشكلة وكل طرف يقدم تنازلات ويحل
المشكلة من زمان جدا واحنا امتداد ليها
ياريت نتدارج دا في ولادنا ونعلمهم بنات وصبيان الرحمة الرحمة الرحمة
هيبقوا ازواج غيرنا خالص
اهم شيء متعمموش واللي عندهم بنات في سن الزواج مش اي حد تجوزوه لبناتكم لان هي اللي هتتعب

متقنعوش البنت أن الجواز فستان وفرح وانتي عنستي كل اللي حواليكي خطبوا وهي لسه ٢٢ سنه بس
التوتر عند الامهات بيضغط على البنات تتجوز اللي يتقدملها بدون متتناقش وتعرف دماغه
الموضوع مش سهل وعاوز مجهود اكبر من مجرد حب