منتدى الفرح المسيحى - فِي كُلِّ ضِيقِهِمْ تَضَايَقَ

https://upload.chjoy.com/uploads/1511374935631.jpg

علي فكره .. ربنا بيتضايق .. بس تعرف بيتضايق امتي ؟!

بيتضايق لما بيشوفك زعلان ومخنوق وشايل هموم علي كتفك ..

بيتضايق لما حد بيوجعك ويجرحك وييجي عليك ..

بيتضايق لما بيشوف دموعك وبيحس انك مكسور و قليل الحيله ..
الكتاب المقدس قال ف اشعياء 63 .. ( فِي كُلِّ ضِيقِهِمْ تَضَايَقَ، وَمَلاَكُ حَضْرَتِهِ خَلَّصَهُمْ ) ..

واخد بالك من جمال الأيه ؟! .. يعني ف كل ضيقه بتمر بيها ربنا مش بس بيحس بيك .

. لأ .. ده بيتضايق عليك كمان ..
ومادمت عرفت ان ربنا بيزعل علي زعلك يبقي بلاش زعل خالص .. بلاش دموع واكتئاب و خوف .. خد بالك من نفسك واتحدي كل ظروفك الصعبه .. لو مش علشان خاطرك انت .. يبقي علشان خاطر الهك الطيب اللي مبيستحملش يشوفك زعلان
بذمتك هتلاقي فين قلب يحبك كده ؟!