منتدى الفرح المسيحى - الله موجود في التفاصيل الصغيرة

https://upload.chjoy.com/uploads/1511264325541.jpg

كل لما الواحد بيكبر بيلاقي ان في تفاصيل صغيرة بتأثر فيه اكتر من الاحداث الكبيرة .. يعني تأثيرها بيكبر من سننا و خبراتنا اللي بتكبر
مشاهد ممكن تكون بسيطة بس بتدوب قلبك في منها اللي يخليك تعيط وفي اللي يخليك تشكر ربنا وفي اللي يخليك تفرح من قلبك وتحس ان لسه في خير وامل
مشهد ام بسيطة وهي بتحضن ابنها اللي تعبان وشايلاه
او حد كبير في السن وهو بيمشي بالعافية ولسه بينزل يجيب طلباته
طفل صغير تلاقيه وسط الزحمة بصلك وضحك او جري عليك وحضنك
استجابة ربنا لطلبة لحد قريب او بعيد عنك تلاقيه بعد سنين بيفرحه بتنعشك
مش لازم الاحداث تحصل معاك مباشرة .. لكن ساعات تأثيرها في غيرك بيوصلك رساله
الله موجود في التفاصيل الصغيرة ( علي الاقل بالنسبه لي ) ❤️